नेकपा एमाले विभाजित भएर बनेको नेकपा एकीकृत समाजवादी पार्टी सुदुर पश्चिमको सबै भन्दा ठूलो राजनीतिक शक्ति बनेको छ । आज एमाले छाडेर थप तीन जना सांसदले एकीकृत समाजवादी रोजेसँगै यो शक्ति बलियो भएको हो । अब सो पार्टीको प्रदेश सांसदको संख्या १३ बनेको छ ।
यसअघि एमालेका १० प्रदेश सांसदले नवगठित नेकपा एकीकृत समाजवादी पार्टी रोजेका थिए।
आइतवार भौतिक पूर्वाधार विकास मन्त्री दीर्घबहादुर सोडारी, पूर्व राज्यमन्त्री प्रकाश रावल र प्रदेश सांसद तारा लामा तामाङले निर्वाचन आयोग पुगेर एकीकृत समाजवादीको पक्षमा सनाखत गरेका हुन्।
यससँगै सुदूरपश्चिम प्रदेशसभामा सभामुखसहित एमालेका १२ सांसद मात्रै कायम भएका छन्। एकीकृत समाजवादीले एमालेका १३ सांसदलाई आफ्नो पक्षमा तानेर ठूलो दल बनेको हो।
त्यहाँ माओवादी केन्द्रका १३ सांसद रहेका छन्। उता कांग्रेसका १२ सांसद छन्। त्यस्तै जनता समाजवादी नेपालका दुईजना सांसद रहेका छन्।
भीम रावलले माधव नेपालको साथ छाडेर एमालेमै रहेपछि केही समय मौन देखिएको सो प्रदेशमा पछिल्लो समय समाजवादीमा केन्द्रीत हुने क्रम बढेको देखिएको छ ।
