काठमाडौं । नेपाली काँग्रेसका सभापति शेर बहादुर देउवालाई नै अप्ठ्यारो पार्ने गरी विमलेन्द्र निधिले सभापतिमा उम्मेद्धारी घोषणा गरीसकेका छन् । पौडेल खेमाबाट उम्मेद्धारका आकांक्षी धेरै भएकाले उनीहरुले साझा उम्मेद्धार बनाउने भन्दै कसरत गरीरहेका छन् ।
तर देउवा खेमाकै अर्का नेता गोपाल मान श्रेष्ठले पनि आसन्न १४ औँ महाधिवेशनमा सभापतिको उम्मेद्धारी घोषणा गरेका छन् ।
नेपाली कांग्रेसका केन्द्रिय सदस्य एवं संगठन विभाग प्रमुख गोपालमान श्रेष्ठले नेपाली कांग्रेसको १४ औं महाधिवेशनमा सभापति पदमा उम्मेदवारी दिने घोषणा गरेका हुन् ।
यदी पौडेल खेमा एकतावद्ध भएर आयो र निधि र श्रेष्ठ दुबैले उम्मेद्धारी फिर्ता लिएनन् भने देउवा अप्ठेरोमा पर्न सक्ने आंकलन गरिएको छ ।
गृहनगर स्याङ्जाबाट सभापतिमा उम्मेदवारी घोषणा गर्दै श्रेष्ठले वर्तमान सभापति तथा प्रधानमन्त्री शेरबहादुर देउवाले पनि आफूलाई साथ दिनुपर्ने माग गरे ।
गुटरहित कांग्रेस बनाउने अभियानलाई सार्थक बनाउन आफूले सभापति पदमा उम्मेदावरी दिन लागेको श्रेष्ठले बताए ।
