नेकपा एमाले विभाजित भएसँगै १२ प्रदेश सांसदले एमाले छाडेर एकीकृत समाजवादी रोजेका छन् । १२ सांसद समाजवादीतिर प्रवेश गरेसँगै माधव नेपाल छाडेर एमालेमै रहेकी मुख्यमन्त्री अष्टलक्ष्मी शाक्य अल्पमतमा परेकी छन् ।
यी हुन एमाले छाड्ने र समाजवादी रोज्ने प्रदेश सांसद
राजेन्द्र पाण्डे
राजेन्द्रमान श्रेष्ठ
लक्ष्मण लम्साल
बसुन्धरा हुमागाईं
रमा आले मगर
बसन्त मानन्धर
कुसुम कार्की
पार्वती सिलवाल
इन्द्रमाया गुरुङ
मुनु सिग्देल
माधव पौडेल
कृष्ण खनाल
अब उनीहरुलाई प्रदेश निर्वाचन आयोगले संख्या निर्धारण गर्न बाँकी छ । त्यसपछि मुख्यमन्त्री अष्टलक्ष्मी शाक्य अल्पमतमा पर्नेछिन् ।
१२ सांसदले एमाले छाडे लगत्तै अब एकीकृत समाजवादीका तर्फबाट मुख्यमन्त्रीमा राजेन्द्र पाण्डेले दाबी गर्ने स्रोतको दाबी छ । १०९ सदस्यीय प्रदेशसभामा नेकपा एमालेका सभामुखसहित ५६ सांसद थिए । १२ जना सांसद एमाले छाडेर नयाँ दलमा सामेल भएसँगै अब प्रदेशसभामा एमाले ४४ सांसदमा खुम्चिएको छ ।
