मकवानपुर । वाग्मती प्रदेशकी मुख्यमन्त्री अष्टलक्ष्मी शाक्यले आफू सत्तामा टिक्नकै लागि एमाले नछाड्ने बताएकी छन् ।
एमाले विभाजित भएर नयाँ दल दर्ता भए लगत्तै मुख्यमन्त्री बनेको केही दिनमै अल्पमतमा परेकी मुख्यमन्त्री शाक्यले सत्ता जोगाउन कित्ता परिवर्तन नगर्ने स्पष्ट पारिन् ।
१ सय ९ सदस्यीय वाग्मती प्रदेशसभामा एमालेको सभामुखसहित ५६ सांसद छन् । सरकार गठनका लागि ५५ सांसद चाहिन्छ । तर, आधा दर्जनभन्दा बढी सांसदहरु एमाले विभाजन भएर नवगठित नेकपा (एकीकृत समाजवादी) मा संलग्न भएपछि शाक्यको पद धरापमा परिसकेको छ । उनले एक महिना भित्र विस्वासको मत लिदाँ स्वतः अल्पमतमा पर्ने स्थिति छ ।
आफू एमालेमै बसेर फरक मत राख्ने र बैचारिक संघर्ष गर्ने शाक्यले बताईन् ।
नेकपा एमालेकी उपाध्यक्ष शाक्य भदौ २ गते बहुमतको आधारमा मुख्यमन्त्री पदमा नियुक्त भएकी थिइन् ।
उनी लामो समय माधव नेपालको पक्षमा रहेर अन्तिममा मुख्यमन्त्री बन्ने समयमा ओली पक्षमा लागेकी थिईन् ।
