अहिले एमाले विभाजनपछि दुबैतिर नलागेका माधव नेपाल पक्षीय नेताहरुले दश बुदे सहमतिको अक्षरस कार्यन्वयनका लागि मंगलबार सम्मको अल्टिमेटम दिएका छन् । त्यो दिन सम्म १० बुदे सहमति पालना नभए के हुन्छ त ? त्यस विषयमा कार्यदलमा समेत रहेका तेस्रो धारका नेता घनश्याम भुषाल भन्छन्, त्यो कार्यन्वयन नभए ओलीले पार्टी एकता अस्वीकार गरेको ठहरिन्छ र एमालेमा झन ठूलो विद्रोह हुन्छ ।
९ जना मध्यमार्गी नेताले सामुहिक रुपमा नै अपील जारी गरेर माधव नेपाल सहितका १४ सांसदमाथिको कार्बाही फुकुवा गर्नु पर्ने, जेठ २ अघिको पार्टी कमिटि क्रियाशील हुनु पर्ने र फागुण २३ यताका सबै निर्णय फिर्ता हुनु पर्ने माग गरेका छन् ।
स्वयं माधव नेपाल सहित एकता हुने भन्दा त उक्त प्रस्ताव ओलीले नमानिरहेको अवस्थामा ओलीले के गर्छन् त्यो भन्न सकिने अवस्था छैन ।
अध्यक्ष ओलीले बरु माधव नेपालतिर गएकाहरुलाई नाम कटाएर पार्टीमा आउन अफर गरिरहेका छन् । जनप्रतिनिधिहरुलाई पनि अफर गरिरहेका छन् ।
अब मंगलबार सम्म पनि त्यो दश बुदे सहमति कार्र्यन्वयन नभए संभवतः भुषाल सहितका नेताले पनि एमाले छाड्न सक्ने आंकलन गरिएको छ ।
अध्यक्ष ओलीले माधव नेपालहरुको बहिर्गमनलाई एमाले विभाजन नभई केही व्यक्ति टुक्रिएर गएको अर्थमा प्रतिकृया दिएका छन् ।
त्यसो त बामदेव गौतमले समेत अब माधव नेपाललाई साथ दिने घोषणा गरीसकेका छन् ।
