लुम्बिनीका प्रदेश प्रमुख अमिक शेरचनले दुई वा दुई भन्दा बढी दलको सरकार गठन गर्न प्रदेश सभाका दलहरूलाई आह्वान गरेका छन्।
मुख्यमन्त्री शंकर पोखरेलले पदबाट राजीनामा दिएपछि प्रदेश प्रमुखले नयाँ सरकार गठनका लागि आह्वान गरेका हुन्। भोली दिउसो तीन बजे सम्मको समय दिएर आव्हान गरेका हुन् ।
संविधानको धारा १८८ को उपधारा २ बमोजिम दुई वा दुइ भन्दा बढी दलको समर्थनमा बहुमत प्राप्त गर्न सक्ने प्रदेश सभा सदस्यलाई साउन २८ गते ३ बजेसम्म दाबी पेश गर्न आव्हान गरिएको प्रदेश प्रमुखको कार्यालयले जारी गरेको सूचनामा उल्लेख छ।
मुख्यमन्त्री शंकर पोखरेलले आजै राजीनामा दिएका थिए । उनी बिरुद्ध काँग्रेस, माओवादी, जसपा र जनमोर्चाले दर्ता गरेको अविस्वास प्रस्ताव पेश हुनु अघि नै उनले राजीनामा दिएका हुन् ।
विपक्षी गठबन्धनले माओवादीका कुल प्रसाद केसीलाई मुख्यमन्त्री बनाउन माग गर्दै अविस्वासको प्रस्ताव दर्ता गरेका थिए ।
