पछिल्लो समय देशभर सामाजिक अपराध बढ्दो छ ।
गोरखामा ११ वर्षीया बालिकामाथि बलात्कार गरेको आरोपमा प्रहरीले आफ्नै बुवा र काकालाई पक्राउ गरेको छ।
पालुङटार नगरपालिकाकी ११ वर्षीया बालिकामाथि पटक–पटक बलात्कार भएको खबरपछि प्रहरीले दाजुभाईलाई नियन्त्रणमा लिएको हो ।
बालिकाले आफूलाई बाउ र काकाले डेढ वर्षदेखि पटक पटक बलात्कार गरेको खुलाएपछि उनीहरुलाई पक्राउ गरिएको हो ।
बालिकाकी आमाले यस अघि श्रीमान् र छोरी छाडेर हिँडेकी थिईन् । त्यसपछि उनी बाउको संरक्षणमा रहँदै आएकी थिईन् ।
बालिकाले फुपुलाई खबर गरेर स्वास्थ्य समस्या राखेपछि उपचार गर्ने क्रममा थापाथली स्थित प्रसुतीगृहमा उपचारको क्रममा मेडिकल रिपोर्टमा उनीमाथि बलात्कार भएको प्रमाणित भएको थियो । सो कुरा खुले लगत्तै प्रहरीलाई खबर गर्नासाथ शुक्रबार दुबै जनालाई प्रहरीले पक्राउ गरेर मुद्धा चलाएको बताएको छ ।
