काठमाडौं, २५ साउन । नेपाली कांग्रेसका संस्थापनइतरका जिल्ला सभापतिहरुको भेला केहीबेरमा सुरु हुँदैछ । भेला काठमाडौंको ठमेलमा बस्न लागेको सिन्धुपाल्चोकका कांग्रेस जिल्ला सभापति विकास लामाले जानकारी दिनुभयो ।
भेलाले संस्थापनइतरबाट एउटै उम्मेदवार हुनुपर्ने, अधिवेशनको सुनिश्चितता गर्नुपर्ने, क्रियाशील सदस्यहरुको विवरण तुरुन्त सार्वजनिक गरेर जिल्ला पठाउनुपर्ने, क्रियाशीलमा धाँधली भएको भए सच्याउन समय दिनुपर्ने जस्ता विषयमा छलफल गरि दबाब दिने उद्देश्यले भेला डाकिएको सभापति लामाले जानकारी दिनुभयो ।
‘१४ औं महाधिवेशन समयमै गर्नका लागि दबाब दिने भेलाको मुख्य उद्देश्य रहेको लामाले बताउनुभयो ।
महाधिवेशन आउन तीन हप्ता अघि राखिएको सभापतिहरुको भेलालाई अर्थपूर्ण रुपमा लिइएको छ । भेलामा महाधिवेशन नहुँदा पार्टीलाई आउने संवैधानिक संकट र त्यसलाई कसरी व्यवस्थापन गर्ने विषमा पनि छलफल हुने बताइएको छ ।
आज जिल्ला सभापतिहरुको भेलापछि भोलि ९२६० गते संस्थापनइतरका शीर्ष नेतालाई भेट्ने कार्यक्रम जिल्ला सभापतिहरुको छ । ‘सबै नेतालाई एकै ठाउँमा राखेर एकमात्र उम्मेदवार हुन हामी दबाब दिन्छौं’ लामाले भन्नुभयो, ‘त्यसपछि संस्थापन पक्षलाई महाधिवेशनको सुनिश्चितता गर्न दबाब दिनेछौं ।’
