एमाले माधव नेपाल समुहका आज बोल्ने अधिकाशं केन्द्रीय सदस्यहरुले संविधान र लोकतन्त्र बचाउन ठूलो लँडाई लडेको भन्दै सरकारमा सहभागी हुनु पर्ने सुझाव दिएका छन् ।
पार्टी एकताका लागि अध्यक्ष ओलीले आत्मालोचना गर्नु पर्ने र सम्मानजनक हुनु पर्ने त्यसो नभए सरकारमा जानु पर्ने सुझाव नेताहरुले दिएका छन् ।
वरिष्ठ नेता नेपालले शुरुमै संवोधन गर्दै ओलीले आत्मालोचना नगर्दा सम्म र सम्मानजनक अवस्थामा मात्रै पार्टी एकता गर्ने बताएका थिए ।
आजको बैठकमा ७३ केन्द्रीय सदस्यहरु सहभागी थिए । ओली समुह छाडेर आएका प्रेम आले पनि आजको बैठकमा उपस्थित थिए । तर लामो समयदेखि माधव नेपालको पक्षमा रहेका सुरेन्द्र पाण्डे र योगेश भट्टराई भने उपस्थित थिएनन् ।
आजको बैठकमा रामकुमारी झाँक्री, निरुदेवी जैरु लगायतकाले सम्माजनक पार्टी एकता नहुने स्थिति आएमा सरकारमा जानु पर्ने सुझाव दिएका थिए ।
केन्द्रीय समितिको बैठक भोली पनि बस्नेछ ।
