लुम्बिनी प्रदेश प्रमुख अमिक शेरचनले मुख्यमन्त्री शंकर पोखरेलविरूद्ध परेको अविश्वास प्रस्तावमाथि छलफलका लागि आगामी साउन २७ गते विशेष अधिवेशन बोलाएका छन् ।
प्रदेशसभा सचिवालयले आज एक सूचना जारी गर्दै प्रदेश प्रमुख अमिक शेरचनले साउन २७ गतेका लागि विशेष अधिवेशन आह्वान गरेका छन् ।
विपक्षी गठबन्धनले समावेदन गरेर प्रदेश सभाको बैठकका लागि आव्हान गरेका थिए ।
लुम्बिनी प्रदेशसभाका विपक्षी गठबन्धनले सरकारविरूद्ध मंगलबार अविश्वास प्रस्ताव दर्ता गरीसकेका छन् । उनीहरुले माओवादीका कुल प्रसाद केसीलाई मुख्यमन्त्रीमा प्रस्ताव गरेका छन् ।
यसअघि सोमबार प्रदेश प्रमुख अमिक शेरचनसमक्ष संविधानको धारा १६८ (२) अनुसार बहुमत सरकार गठन गर्न प्रस्ताव आह्वान गर्न विपक्षी गठबन्धनले समावेदन बुझाएका थिए।
अविश्वास प्रस्तावमा नेपाली कांग्रेस, माओवादी केन्द्र, जनता समाजवादी पार्टी र राष्ट्रिय जनमोर्चाका गरि ३४ जना सांसदले हस्ताक्षर गरेका छन्।
८७ सदस्यीय रहेको लुम्बिनी प्रदेश सभामा हाल ८० जना सांसद कायम छन्।
