१९ साउन, काठमाडौं । नेकपा एमालेकी सांसद रामकुमारी झाँक्रीले अघिल्लो ओली सरकारले गरेको जनविरोधी निर्णय खारेज गर्नु पर्ने बताएकी छन् ।
आज प्रतिनिधिसभाको बैठकमा बोल्दै उनले यो सरकारले संविधानलाई ट्रयाकमा राख्ने र लोकतन्त्रलाई सही बाटोमा हिँडाउँने दायित्व मात्र पूरा गरेर नहुने उनले बताईन् ।
ओली सरकारले झापाको गिरिबन्धु टि स्टेटको हदबन्दी भन्दा बढी जग्गा बिक्री गर्न पाउने गरी गरेको निर्णय खारेज गर्नुपर्ने नेतृ झाँक्रीले बताइन् ।
‘झापाको गिरिबन्धु टि स्टेटको हदबन्दी भन्दा बढी जग्ग बिक्री गर्ने अघिल्लो सरकारको क्याविनेटको निर्णय खारेज गर्न माग गर्दै झापाबाट प्रतिनिधिमण्डल नै काठमाण्डौंमा आएको झाँक्रीले जानकारी दिईन् ।
नेतृ झाँक्रीले पूर्व प्रधानमन्त्री ओली तर्फ संकेत गर्दै सरकारले तुइन एरा सिद्धियो भनेर गफ दिएको स्मरण गर्दै दार्चुलामा भएको घटना सम्झाईन् ।
