काठमाडौँ साउन १७ । प्रधानमन्त्री शेरबहादुर देउवाले महाकाली नदीमा शुक्रबार एसएसबीले तुईन काटेर नेपाली युवा वेपत्ता भएको घटनाप्रति आफू गंभीर भएको बताएका छन् । चार विद्यार्थी संगठनका प्रतिनिधिले बुझाएको ज्ञापन पत्र बुझ्दै प्रधानमन्त्री देउवाले घटनाको छानविन गरेर अघि बढ्ने बताएका छन् ।
सत्तारूढ दलनिकट विद्यार्थी संगठनहरू नेपाल विद्यार्थी संघ, अखिल क्रान्तिकारी, अनेरास्ववियु, समाजवादी विद्यार्थी युनियन र अखिल छैटौंले शनिबार प्रधामन्त्रीलाई ज्ञापनपत्र बुझाउँदै दार्चुलाको व्यास गाउँपालिका–२ मा एसएसबीले तुइन काटेको घटनाको छानबिन गर्न पनि माग गरेका थिए । एसएसबीका एक जवानले शुक्रबार तुइन काटिदिँदा स्थानीय जयसिंह धामी महाकाली नदीमा खसेर बेपत्ता छन् । महाकालीमा बगेका धामीको अवस्था अझै पत्ता लाग्न सकेको छैन ।
उक्त घटनाको अहिले चौतर्फी बिरोध भईरहेको छ ।
