प्रमुख पाँच दलीय गठबन्धनको आजको बैठकले मन्त्रालयको भागबण्डा र शक्ति सन्तुलन मिलाउने जिम्मेवारी शीर्ष नेतालाई दिने निर्णय गरेको छ । बालुवाटारमा बिहान बसेको बैठकले मन्त्रालय बाँडफाँटमा कुनै टुंगो नलगाई नेताहरुलाई जिम्मेवारी दिएको हो ।
उक्त बैठकमा नेपाली काङ्ग्रेस बाट प्रधानमन्त्री देउवा सहित वरिष्ठ नेता रामचन्द्र पौडेल, महामन्त्री पूर्णबहादुर खड्का, कृष्ण प्रसाद सिटौला ,नेकपा माओवादी केन्द्रका अध्यक्ष पुष्पकमल दाहाल प्रचण्ड , प्रबक्ता नारायण काजी श्रेष्ठ ,जसपाबाट अध्यक्ष उपेन्द्र यादव, डा। बाबुराम भट्टराई ,अशोक कुमार राई, राष्ट्रिय जनमोर्चाका अध्यक्ष चित्रबहादुर केसी,उपाध्यक्ष दुर्गा पौडेल, गठबन्धनको बैठकमा एमाले माधव कुमार नेपाल समूहबाट डा. विजय पौडेल सहभागी रहेका थिए ।
यसै गरी न्युनतम साझा कार्यक्रम चाडो टुङ्गो लगाउन कार्यदललाई निर्देशन दिएको कार्यदल संयोजक महामन्त्री पुर्ण बहादुर खड्काले जानकारी दिए ।
