२ साउन, जनकपुरधाम । प्रदेश २ सरकारमा माओवादीका तर्फबाट दुई नयाँ मन्त्री थपिएका छन्। आज माओवादी केन्द्र संसदीय दलका नेता भरतप्रसाद साह र सचेतक रुबी कर्णले शपथ लिएका हुन्।
प्रदेश प्रमुख डा राजेश झा अहिराजले भरत साह आन्तरिक मामिला तथा सञ्चारमन्त्रीमा र मुख्यमन्त्री लालबाबु राउतले रुवी कर्णलाई राज्यमन्त्री पदमा शपथ खुवाएका हुन् । साह महोत्तरी क्षेत्र नम्बर १९१० बाट निर्वाचित सांसद हुन् । त्यस्तै कर्ण सप्तरीबाट समानुपातिक सांसद हुन् ।
सत्ता समीकरणको खेलमा जनता समाजवादी पार्टीले आफ्नै मन्त्रीलाई राजीनामा गराएर माओवादी केन्द्रबाट मन्त्री नियुक्त गरेको हो।
आन्तरिक मामिला तथा सञ्चारमन्त्री ज्ञानेन्द्रकुमार यादव र राज्यमन्त्री सरोजसिंह कुशवाहाको स्थानमा उनीहरु मन्त्री बनेका हुन्।
सरकारमा सहभागी गराउन समाजवादी पार्टीका दुई मन्त्रीलाई राजीनामा गराएर माओवादी केन्द्रलाई दुई मन्त्री दिइएको हो।
साह महोत्तरी क्षेत्र न १ (ख) बाट निर्वाचित सांसद हुन भने कर्ण सप्तरी निवासी समानुपातिक सांसद् हुन्। उनीहरुले मातृभाषामा शपथ गर्न इच्छा देखाए पनि कानुनी जटिलताका कारण नेपाली भाषामै शपथ खाएका थिए ।राज्यमन्त्री कर्ण सहिदको नाममा शपथ लिइन् ।
