एमाले वरिष्ठ नेता माधव कुमार नेपाल अब तत्कालै केपी ओलीसँग मिल्ने संभावना कम भएको छ । ओलीले बालकोट निवासको बार्दलीबाट माधव नेपाल राष्ट्रिय गद्धार भएको र उसलाई एमालेमा कुनै स्थान नदिने घोषणा गरेपछि माधव नेपालले ओलीले एकताको ढोका बन्द गरेको अर्थमा बुझेको र आफू निकटका नेताहरुलाई त्यसरी नै व्याख्या गरेको बुझिएको छ । नेपाल निकट एक नेताका अनुसार पार्टी एकताको प्रयासलाई जारी राख्ने सोँच अझै पनि नेपालमा रहेको छ ।
तर ओलीले नै ढोका बन्द गरेपछि देउवा प्रचण्डसँग गठबन्धनबारे थप छलफल गर्ने र संसद जोगाउन सरकारलाई विस्वासको मत दिने मनशायमा नेपाल पुगेको बुझिएको छ ।
माधव नेपालले यस्तो स्थितिमा देउवालाई विस्वासको मत दिने र मध्ववाधी निर्वाचन टार्न भूमिका खेल्ने समेत आंकलन शुरु भएको छ । नेता नेपालसँग देउवा प्रचण्डले औपचारीक अनौपचारीक रुपमा वार्ता सघन पारेका छन् ।
