प्रधानमन्त्री केपी शर्मा ओलीले आफ्नो सरकार चौतर्फी रुपमा असाधारण रुपले सफल भएको बताएका छन् । पदमुक्त भएपछि आज देशवासीका नाममा संवोधन गर्दै ओलीले सरकार पूर्ण रुपले सफल भएको , चौतर्फी विकास गरेको पनि दाबी गरे ।
उनले अदालतको परमादेशका कारण जनादेश आफ्नो पक्षमा हुँदा हुँदै पनि बाहिरीनु परेको भन्दै आफ्नै पार्टीका सांसदले विपक्षीको खुट्टामा पास दिएर पोष्ट खाली गरिदिएको पनि टिप्पणी गरे ।
अदालतले विस्वमा कतै नभएको फैसला गरेको भन्दै अदालतले प्रधानमन्त्री हटाउने र नियुक्त गर्ने अनौठो घटना भएको ओलीको भनाई छ ।
यसले दलीय व्यवस्थामाथि प्रश्न खडा गरेको र यसको असर लामो समय सम्म रहने उनले बताए ।
यसै गरी खोप ल्याउने, कोरोना नियन्त्रण गर्ने कुरामा पनि आफ्नो सरकार सफल भएको उनको जिकिर छ ।
उनले सूर्यमा केही समय बादल लागेको टिप्पणी गर्दै अब बादल हटेर सूर्य फेरी उदाउने दाबी गरे ।
