एमाले भित्र देखा परेको विवाद हल गर्ने प्रयास स्वरुप अध्यक्ष केपी शर्मा ओलीले १० औँ महाधिवेशन आयोजक समिति भंग गर्दै जेठ २ , २०७५ को केन्द्रीय समिति ब्युताउने निर्णय गरेको छ ।
त्यसले माधव समुहको माग पूरा हुने देखिएको छ । तर पनि अदालतमा प्रधानमन्त्रीका लागि शेर बहादुर देउवाको पक्षमा गरिएको हस्ताक्षर फिर्ता नलिने यस समुहको तयारी छ ।
ओलीले यस अघि देखि नै देउवाको पक्षमा भएको हस्ताक्षर फिर्ता लिनु पर्ने बताउदै आएका थिए । देउवाको पक्षमा २३ जना माधव नेपाल सहितका एमाले सांसदले हस्ताक्षर गरेका थिए ।
यस्तै माधव नेपाल, झलनाथ खनाल लगायतका नेतामाथिको कार्बाही समेत स्वतः फिर्ता लिईने भएको छ ।
यसका बाबजुद माधव समुहले बिहिबार बैठक बसेर केन्द्रीय समितिको बैठकमा जाने नजाने निर्णय गर्ने सो समुहका एक नेताले बताएका छन् । एमालेको केन्द्रीय समितिको बैठक असार १८ गते बोलाईएको छ ।
