नेपाली कांग्रेसका सभापति शेरबहादुर देउवाले सार्वजनिक सुनुवाइ बिना गरिएका सबै निर्णय खारेज गर्न माग गरेका छन् ।
सोमबार संघीय संसद भवनमा विपक्षी गठबन्धनले गरेको बुद्धिजीवीसँगको अन्तरक्रिया कार्यक्रमलाई सम्बोधन गर्दै सभापति देउवाले सुनुवाइ समितिबाट सुनुवाइ नभए आफैं अनुमोदन हुने व्यवस्था हटाएर भए पनि भएका सबै निर्णयहरू खारेज गर्ने बताए।
देउवाले प्रधानमन्त्री र राष्ट्रपति मिलेर संविधानमाथि प्रहार गरेको पनि बताए ।
यसै गरी उनले आफ्नो सरकार बनेपछि पहिला जनतालाई खोप उपलव्ध गराउने बताए ।
ओलीले मुलुकमा उखान र टुक्काको भरमा शासन गर्न खोजेको पनि आरोप देउवाको छ ।
‘राष्ट्रपति स्वयम्ले पनि संविधानको धारा ७६ को उपधारा ५ अनुसार सरकार बनाउनु भनेर आह्वान गरेको हो। त्यस अनुसार जाँदा पनि स्वीकारिएन। हामीले पनि राष्ट्रपतिको आह्वान अनुसार नै गएका थियौं’, उनले भने, ‘बहुमत प्राप्त नेतालाई नमानेर एकै पटक ओलीको पक्षमा उनको कार्यकर्ता जस्तो बनेर निर्णय गर्ने काम भयो।’
