सर्लाहीको ईश्वरपुर नगरपालिका–३,भक्तिपुरमा पोखरी निरीक्षणमा गएका वडाध्यक्ष सूर्य कुमार श्रेष्ठलाई ठेकेदार र चालक मिलेर हत्या गरेको खुलेको छ । पोखरी खन्दाको विवाद बढ्दै गएपछि जेसिबीको बकेटले हानेर वडाध्यक्षको हत्या गरिएको हो । वडाध्यक्षको राति ९ बजेतिर हत्या भएको हो ।
शुक्रबार साँझ जेसिबी चालकसँग विवाद चर्किंदा जेसिबीले ठक्कर दिई वडाध्यक्ष श्रेष्ठको हत्या गरिएको जिल्ला प्रहरी प्रहरीले जनाएको छ । साँझ सँगै खाजा खाएका तर खाँदै जादाँ विवाद भएपछि चालक हर्ख बहादुर तामागंले हत्या गरेका थिए । बकेटले टाउको र छातीमा हानेर वडाध्यक्षको हत्या गरेपछि ठेकेदार र चालकलाई प्रहरीले नियन्त्रणमा लिएको छ ।
घटनापछि अचेत अवस्थामा रहेका श्रेष्ठलाई तत्काल अस्पताल पुर्याइए पनि चिकित्सकले मृत घोषणा गरेको गिरीले बताउनुभयो । अहिले प्रहरीले जेसिबी चालक तामागं र ठेकेदार प्रेमराज दहाललाई नियन्त्रणमा लिएर अनुसन्धान प्रक्रिया अघि बढाएको छ ।
उनीहरुले वडा अध्यक्षको हत्या गरेको स्वीकार गरेका छन् ।
