जनता समाजवादी पार्टी (जसपा) नेपालको आधिकारिकता दावी गर्न उपेन्द्र यादव समुह निर्वाचन आयोग गएको छ । अध्यक्ष यादवसहित अशोक राई, राजेन्द्र श्रेष्ठ, प्रदेश २ का मुख्यमन्त्री लालबाबु राउत लगायत नेता आयोगमा पुगेर छलफल गरीरहेका छन् ।
गत असार ३ गते बसेको कार्यकारिणी समितिको बैठकले आधिकारिकताका लागि निर्वाचन आयोगमा निवेदन दिने निर्णय गरेको थियो । सत्ता समीकरणका लागि दुई पक्षमा भएको विवादका कारण जसपा विभाजित छ । ठाकुर समुहले पनि केन्द्रीय कार्यकारीणी समितिमा सदस्य थप्दै आफ्नो बहुमत दाबी गरीरहेको छ ।
निर्वाचन आयोगले दुबै पक्षलाई मान्यता नदिई एउटै पूर्ववत पदाधीकारी सहितको कमिटि मान्न निर्देशन दिएपछि असन्तुष्ट यादव समुह पुनः आयोग पुगेको हो ।
जसपा भित्र पार्टीमा यादवको बहुमत रहेको छ भने बढी सासद ठाकुरसँग रहेका छन् ।
ठाकुर समुह ओलीसँग सहकार्य गर्दै सत्तामा सामेल भएको छ भने यादव समुह सरकार बिरुद्ध आन्दोलित रहेको छ ।
