विभाजनको संघारमा पुगेको नेकपा एमाले भित्र फरक गतिविधि र कार्बाहीको सिलसिला चलिरहेका बेला आज खनाल नेपाल समुहले केन्द्रीय समितिको बैठक बोलाएको छ ।
माधव नेपालले बोलाएको केन्द्रीय समितिको बैठक जुम मार्फत हुनेछ । दिँउसो १ बजेपछि हुने बैठकले ओलीसँग मिल्ने संभावना कम रहेकाले नयाँ पार्टी निर्माणको प्रकृयामा जाने बारे समेत छलफल हुने जनाईएको छ ।
यसैबीच ओली समुहले भने एमालेका नामबाट कार्बाहीमा परेका व्यक्तिले बोलाएको बैठकमा सहभागी नहुन भन्दै केन्द्रीय सदस्यहरुलाई निर्देशन दिएको छ । कार्यलय सचिव शेर बहादुर तामागंले एक विज्ञप्ति जारी गरी कार्बाहीमा परेका मान्छेले एमालेको नामबाट बोलाएको बैठकमा नजान अपील गरेका हुन् ।
यता ओली समुहले पनि स्थायी समितिको बैठक बोलाएको छ । दिउसो ४ बजे बालुवाटारमा बस्ने बैठकले पछिल्लो घटनाक्रम र पार्टीको विवादबारे छलफल गर्ने जनाईएको छ । यस अघि समय नपुगेको भन्दै बैठक सर्दै आएको थियो ।
