२७ बैशाख, काठमाडौं । प्रधानमन्त्री केपी शर्मा ओलीले आवश्यक्ताको आधारमा संविधान संशोधन हुनसक्ने बताउनुभको छ ।
प्रतिनिधिसभाको सोमबारको बैठकमा विश्वासको मतका लागि आह्वान गर्दै उहाँले संविधान संसोधन गर्न नहुने बिषय नभएके बताउनु भयो । उहाँले देश र जनताको चाहनालाई समेटेर समयानुकुल ढङ्गले संशोधन हुन सक्ने दोहोर्याउनु भएको हो ।
प्रधानमन्त्री ओलीले अहिलेको सरकारलाई कुनै पनि पक्षमा विश्वास नगर्नुपर्ने अवस्था नरहेको बताउनुभयो । मुलुकका सार्वभौतसत्ता, राष्ट्रियता र देश विकासको काममा अहिलेको सरकारले उपलब्धिमुलक काम गरेकाले सबैले वर्तमान सरकारलाई विश्वास गर्नुपर्ने उहाँको भनाइ छ । उहाँले भन्नुभयो, कृषि आधुनिकिकरण, ध्वस्त भएको पर्यटन क्षेत्रलाई उठाउने कार्य, व्यापार खाटालाई सन्तुलनतर्फको बाटोमा हिडाएर उपलब्धि हासिल गरेको छौ ।
नेपालले अन्तर्राष्ट्रिय मञ्चहरूमा गरिने भूमिकालाई हेर्ने हो भने अहिलेको सरकार अब्बल रहेको प्रधानमन्त्री ओलीको दाबी छ । उहाँले अहिले अन्तर्राष्ट्रिय स्तरमा पनि नेपालको बारेमा बहस हुन थालेको जिकिर गर्नुभयो ।
समस्याहरूको गीत मात्र गाएर नभइ समस्याको समाधान गर्न दृढताका साथ अघि बढेको ओलीले बताउनुभयो । नेपालमा आधारभूत रुपमा संविधान मान्दिन भन्ने कुनै पनि कुरा नभएको उहाँको जिकिर छ ।
विकास निर्माण, शिक्षा, स्वास्थ्य र पुननिर्माणका क्षेत्रमा उपलब्धिमुलक काम गरेको भन्दै उहाँले सरकार अन्धाधुन्ध रुपमा नहिडेको पनि बताउनु भयो । नेपालको सबै क्षेत्र र व्यावसायका मान्छेको आम्दानी राम्रो होस्, बेरोजगारी हटाएर स्वदेशमै रोजगारी श्रृजना गर्न सरकार लागि रहेको पनि बताउनु भयो । हजारौ युवाहरु रोजगारीका लागि बाहिर जाने अवस्था अन्त्य गर्न सरकार लागि परेको उहाँको भनाई थियो ।
