बैशाख २३ काठमाण्डौं । राष्ट्रिय सभाका लागि एमालेबाट गृहमन्त्री रामबहादुर थापा बादललाई उमेदवार बनाउने एमाले स्थायी समितिले निर्णय गरेको छ । पार्टीले निर्णय गरे लगत्तै उम्मेद्धारी दर्ताका लागि गृहमन्त्री बादल मकवानपुर लागिसकेका छन् । उनी हेलिकप्टर मार्फत मकवानपुर गएका छन् ।
७४ सालमा माओवादीबाट जीतेका थापा यस पटक एमालेबाट उम्मेद्धार बन्न लागेका हुन् ।
एमाले ओली समुहतिर लागे पछि माओवादीले बादललाई कार्बाही गरेको थियो ।
यता माओवादी–कांग्रेससहितको समर्थनमा राष्ट्रियसभा उपनिर्वाचनमा डा खिमलाल देवकोटाले उम्मेद्वारी दिएका छन्। राष्ट्रिय सभा उपनिर्वाचनमा संयुक्त प्यननलबाट उमेदवारी दर्ताको लागि उनी हेटौंडा पुगिसकेका छन्।
वाग्मती प्रदेश अन्य समूहतर्फ रिक्त भएको राष्ट्रिय सभा सदस्यको उपनिर्वाचनका लागि शुक्रबार बिहान १० बजेदेखि साँझ ४ बजेसम्म मनोनयन दर्ताको कार्यतालिका तोकिएको छ।
राष्ट्रियसभाको उपनिर्वाचनमा नेपाली कांग्रेस, नेकपा माओवादी केन्द्र,नेकपा एमालेको माधवकुमार नेपाल समूह र जनता समाजवादी पार्टी (जसपा) को उपेन्द्र यादव पक्षले संयुक्त गठबन्धनले देवकोटालाई साथ दिएको छ ।
राष्ट्रियसभाको उपनिर्वाचनमा प्रदेशसभा र स्थानीय तहका प्रमुख र उपप्रमुखले मतदान गर्छन् ।
