बैशाख २३ काठमाडौं । प्रमुख प्रतिपक्षी नेपाली काँग्रेसका सभापति शेरबहादुर देउवा र नेकपा एमालेका वरिष्ठ नेता माधवकुमार नेपालबीच भेटवार्ता भएको छ । बिहीबार साँझ नेपालले आफू निकट केही नेतासहित देउवा निवासमा पुगेर छलफल गरेको बुझिएको छ । छलफलमा ससामयिक विषयमा कुराकानी भएको नेताहरुले बताएका छन् ।
प्रधानमन्त्री ओलीले बैशाख २७ गते विश्वासको मत लिन लागेका बेला त्यसलाई विफल पार्न आवश्यक रणनीति बनाउने विषयमा उनीहरुबीच छलफल भएको बताईन्छ ।
देउवासँगको छलफलमा संविधान लोकतन्त्र र व्यवस्था बचाउने विषयमा छलफल भएको भीम रावलले जानकारी दिएएक नेताले बताए ।
देउवासँग भेटे पछि नेता नेपाल राष्ट्रपति भेट्न शीतल निवास पुगेका थिए ।
ओलीलाई विस्वासको मत दिनु अघि नै सामुहिक राजीनामा दिने तयारीमा रहेको भनिएको नेपाल समुहले पार्टी एकता जोगाउने अन्तिम कोशिसका रुपमा ओली समुहसँग पनि संवादको प्रयास गरीरहेको छ ।
