बैशाख १७ काठमाण्डौं । नेपाली काँग्रेसले प्रधानमन्त्री केपी शर्मा ओलीको सरकारले कुनै काम नगरेका कारण कोरोना संक्रमण डरलाग्दो तरीकाले बढेको भन्दै प्रधानमन्त्री ओलीकै कारण देशमा पुनः लकडाउन गर्नु परेको धारणा सार्वजनिक गरेको छ ।
काँग्रेस सभापति शेरबहादुर देउवाले शुक्रबार पत्रकार सम्मेलन गरेर अधुरा कामलाई नै पूरा भएको भन्दै उद्घाटन, भिडभाड र तडक–भडकमा मग्न ओली सरकारले संक्रमण रोक्ने कुनै ठोस काम नगरेको पनि बताए ।
देउवाले कोरोनाको संक्रमणका कारण जनताले भोगिरहेको समस्याबाट पार पाउन संक्रमण रोकथाम र उपचारको समुचित प्रवन्ध मिलाइ निषेधाज्ञाको समयलाई पूर्ण रुपमा सदुपयोग गर्न आवश्यक कामहरु गर्न आग्रह गर्दै सरकारलाई ११ बुँदे सुझाव समेत दिएका छन् ।
संक्रमितको उपचारका लागि अक्सिजन र भेन्टिलेटरको आपूर्ति सुनिश्चित गर्न, स्वास्थ्य सामग्रीको समुचित व्यवस्था गर्न, पीसीआर परीक्षणलाई व्यापक बनाउन, सीमामा होल्डिङ सेन्टरको व्यवस्था गर्न काँग्रेसको माग छ ।
देउवाद्धारा जारी विज्ञप्तिको पूर्ण पाठ :
