वैशाख १२, काठमाडौँ । नेपालमा पछिल्लो २४ घण्टामा कोरोना संक्रमणबाट २८ जनाको मृत्यु भएको छ । योसँगै नेपालमा कोरोनाले ज्यान गुमाउनेको संख्या ३१ सय ६४ पुगेको छ ।
स्वास्थ्य तथा जनसंख्या मन्त्रालयका अनुसार थप तीन हजार १२२ जनामा कोरोना भाइरस (कोभिड–१९) संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमका अनुसार पीसीआर परीक्षण र एन्टिजेन परीक्षणमा तीन हजार बढीमा संक्रमण पुष्टि भएको हो ।
९ हजार २९२ जनाको पीसीआर परीक्षाण गर्दा तीन हजार ३२ र सात सय ८६ जनाको एन्टिजेन परीक्षणमा ९० गरेर आइतबार तीन हजार १२२ जनामा संक्रमण पुष्टि भएको हो । उपत्यकामा मात्रै २४ घण्टामा १४ सय ९४ जनामा संक्रमण पुष्टि भएको छ । काठमाडौंमा ११ सय ३२, ललितपुरमा २ सय ७० र भक्तपुरमा ९६ जनामा संक्रमण पुष्टि भएको हो । मन्त्रालयका अनुसार अहिले देशभर सक्रिय संक्रमितको संख्या १९ हजार ३९२ रहेको छ ।
यस्तै २४ घण्टामा ४५० कोरोना निको भई डिस्चार्ज भएका छन् । योसँगै नेपालमा कोरोनाबाट निको हुनेहरुको संख्या २ लाख ७७ हजार ५ सय ७३ पुगेको छ ।सक्रिय संक्रमितको संख्या १९ हजार ३८२ पुगेको छ भने अहिले ६९ जना क्वारेन्टाइनमा रहेका छन् । २४ घण्टामा ३१ सय २२ जनामा संक्रमण पुष्टि भएसँगै नेपालमा कुल संक्रमितको संख्या तीन लाख ११९ पुगेको छ । जसमध्ये २ लाख ७७ हजार ५७३ जना निको भएका छन् ।
