काठमाडौँ, १ वैशाख । प्रधानमन्त्री केपी शर्मा ओलीले आज देशबासीको नाममा सम्बोधन गर्नुहुने भएको छ ।
प्रधानमन्त्री ओलीले आज बिहान ८ बजे देशका नाममा सम्बोधन गर्नुहुने सरकारका प्रवक्ता एवम् सञ्चारमन्त्री पार्वत गुरुङले जानकारी दिनुभयो ।
प्रधानमन्त्री ओलीले हरेक नयाँ वर्षको पहिलो दिन राष्ट्रका नाममा सम्बोधन गर्दै आइरहनुभएको छ ।
नयाँ वर्ष २०७८ आजबाट सुरु भएको छ । आज देशभर विविध कार्यक्रम आयोजना गरी विक्रम संवत् २०७७ लाई बिदा गरी २०७८ को शुभारम्भ गरिदैछ ।
नयाँ वर्षकै अवसरमा राष्ट्रपति विद्यादेवी भण्डारीले स्वदेश तथा विदेशमा रहेका नेपाली दिदीबहिनी तथा दाजुभाईहरुमा सुख, शान्ति, समृद्धि, र आरोग्यको लागि मंगलमय शुभकामना ब्यक्त गर्नुभएको छ ।
शुभकामना सन्देशमा राष्ट्रपति भण्डारीले बिगतको समीक्षा गर्ने तथा आगतको आकांक्षा मुखरित गर्न अवसरका रुपमा स्वागत गर्दै अघि बढ्न अपील गर्नुभएको छ ।
