३१ चैत, दोलखा । दोलखामा बोलेरो दुर्घटना हुँदा चार जनाको मृत्यु भएको छ ।घटनामा परि १७ जना घाईते भएको हरी निरीक्षक अन्जन कोइरालाले जानकारी दिनुभयो ।
सिन्धुपाल्चोकको तातोपानी नुहाएर दोलखाको गौरीशंकर गाउँपालिका जाँदै गरेको बोलेरो विगु गाउँपालिकाको लादुकमा दुर्घटना हुँदा चार जनाको मृत्यु भएको हो ।
प्रदेश ३ -०१०२३- ७५८० नम्बरको बोलेरो राति १० बजे दुर्घटनामा परेको थियो । दुर्घटनामा विगु ३ का २४ वर्षीय विनोद केसी, ४५ वर्षीय अजित खत्री, ५२ वर्षीया राधा खड्का र २४ वर्षीया चण्डिका खड्काको मृत्यु भएको हो ।
दुर्घटनामा विगु-३ का वडाध्यक्ष श्रीराम खड्का पनि घाइते हुनुभएको छ । उहाँलाई थप उपचारका लागि काठमाडौ पठाइएको छ ।
प्रहरी निरीक्षक कोइरालाका अनुसार दुर्घटनामा १७ जना घाइते भएका छन् । जसमध्ये ५ जनाको अवस्था गम्भीर छ । २ जनाको दोलखामै र १५ जनाको काठमाडौंमा उपचार भइरहेको छ ।
