चैत्र १० सुनसरी । नेपाली कांग्रेस सभापति शेरबहादुर देउवाले प्रहरीले कांग्रेस कार्यकर्ताहरूलाई अनावश्यक दुःख दिन थालेको आरोप लगाउदै काँग्ैसको सरकार बने पछि ती प्रहरी अधिकारीलाई ठेगान लगाउने चेतावनी दिएका छन् ।
मंगलबार सुनसरीको धरानमा नेपाल दलित संघले आयोजना गरेको ५६औं अन्र्तराष्ट्रिय जातिय विभेद उन्मुल दिवसको अवसरमा आयोजित अन्र्तक्रिया कार्यक्रममा बोल्दै देउवाले देशभर नेपाल प्रहरीको भूमिका राम्रो नभएको दाबी गरे ।
प्रहरीले कांग्रेसमा प्रवेश गरेकालाई अनाहकमा पक्राउ गरी हिरासतमा राख्ने क्रम बढेको देउवाको भनाई छ ।
अहिले कांग्रेसलाई दुःख दिने प्रहरीलाई कांग्रेसको सरकार आएपछि ठेगान लगाउछौँ, देउवाले भने ।
देउवाले कांग्रेस कार्यकर्ताहरूलाई अनावश्यक दुःख दिने प्रहरीको नामथर, ठेगाना र दर्जा समेत टिपेर केन्द्रीय कार्यालयमा पठाउन समेत कार्यकर्ताहरूलाई निर्देशन दिए।
