२२ फागुन, काठमाडौं । कोभ्याक्स मार्फत भोली नेपालमा ३ लाख ४८ हजार खोप आईपुग्ने भएको छ । स्वास्थ्य तथा जनसंख्या मन्त्रालयका सचिव लक्ष्मण अर्यालले कोभ्याक्स मार्फत सो खोप आईपुग्ने जानकारी दिए ।
आज युनिसेफ फर इभ्री चाइल्ड र विस्वस्वास्थ्य संगठन नेपालले आयोजना गरेको अन्तरक्रिया कार्यक्रममा बोल्दै सचिव अर्यालले कोभ्याक्स मार्फत आउने कुल २२ लाख खोप मध्ये भोलि ३ लाख ४८ हजार आउन लागेको बताए । चीनले दिने भनेको ८ लाख कोरोना विरद्धको खोप समेत चाडै आउने सचिव अर्यालले जानकारी दिए ।
प्रधानमन्त्री केपी शर्मा ओलीले भोलि आइतबार कोरोना विरद्धको खोप लगाउने भएका छन् । भोलिदेखि शुरु हुने दोस्रो चरणको अभाियन प्रधानमन्त्रीले खोप लगाएर शुरुवात गर्ने स्वास्थ्य तथा जनसंख्या मन्त्रालयका सचिव लक्ष्मण अर्यालले जानकारी दिए ।
उनका अनुसार भोलि विहान १० बजे टिचिङ अस्पताल, महाराजगञ्ज पुगेर खोप लगाउनेछन् । भोलिदेखि संवैधानिक निकायका पदाधिकारीहरुले समेत लगाउने सचिव अर्यालले बताए । आइतबारबाट ६ हजार भन्दा बढी खोप केन्द्रबाट दोस्रो चरणको खोप अभियान सुरू हुँदैछ ।
यो रणमा ६५ वर्षमाथिका १६ लाख मानिसलाई लगाउने योजना रहेको छ । १५ वटा हिमाली क्षेत्रका जिल्लाका ५५ वर्ष माथिकालाई पनि भोलिदेखि नै दिईने सचिव अर्यालले जानकारी दिए ।
