फागुण १६ काठमाडौँ । अदालतको अवहेलना मुद्धामा सर्वोच्चले आदेश गरे बमोजिम नेकपा प्रचण्ड माधव समुहका अध्यक्ष प्रचण्डले आज लिखित जवाफ पेश गरेका छन् । जवाफमा प्रचण्डले कुनै पनि मुद्धामा जीतको आश राखेर व्यक्त गर्दा त्यसबाट अवहेलना नहुने जिकिर गरेका छन् । उनले आफू र आफ्नो दलले कहिल्यै पनि अदालतको अवहेलना नगर्ने बताएका छन् ।
प्रतिनिधिसभा विघटनसम्बन्धी मुद्दामा विभिन्न सभाहरूमा बोलेको तथा न्यायाधीशहरूलाई लक्षित गरी अभिव्यक्ति दिएको भन्दै हालिएको रिटमा प्रचण्डले लिखित जवाफ दिएका हुन् ।
माघ ९ गतेको आमसभामा आफूले कार्यकारिणी अधिकार प्रयोग गर्नेले संविधानविरुद्धको काम गरेको कुरा जनतालाई स्पष्ट पार्ने सिलसिलामा व्यक्त गरेको भन्दै उनले अदालतलाई धम्की दिएको भन्ने दाबी झूटो भएको जनाएका छन् ।
दाहालविरुद्ध परेको अदालतको अवहेलना रिटमाथि न्यायाधीश मनोजकुमार शर्माको इजलासले लिखित जवाफ माग गर्ने आदेश दिएको थियो । दाहालविरुद्ध अधिवक्ता समीर हायूले निवेदन दर्ता गरेका थिए ।
https://www.mirmireonline.com/wp-content/uploads/2021/02/prachanda-2.pdf
