फागुन १४, काठमाडौँ । नेपाली कांग्रेसका नेता तथा पूर्वमन्त्री नवीन्द्रराज जोशीलाई मस्तिष्कघात भएपछि थापाथलीस्थित नर्भिक अस्पतालमा उपचार भइरहेको छ । उहाँको स्वास्थ्य अवस्था गम्भिर भएपछि आईसीयूको भेन्टिलेटरमा राखेर उनको उपचार गरिँदैछ ।
न्युरोसर्जन डा. राजीव झासहितको चिकित्सकको टोली नेता जोशीको उपचारमा खटिएको छ । उच्च रक्तचापका कारण जोशीलाई मस्तिष्कघात भएको डा. झाको भनाई छ ।
झाको मस्तिष्कको अति संवेदनशील भागमा रगत जमेको उहाँले बताउनु भयो । त्यसलाई शल्यक्रिया गरेर पनि निकाल्न सक्दैनौं । अहिले सानो शल्यक्रिया गरेर मस्तिष्कमा पर्ने चाप घटाउन ड्रेन गर्न पाइप राखिएको छ,’ उहाँले भन्नुभयो, ‘यस्ता खालका बिरामीलाई बचाउन निकै कठिन हुन्छ । हामी प्रयासरत छौं ।’
जोशीको मस्तिष्कको जुन भागमा रगत जमेको छ, त्यस्तो भागमा रगत जमेपछि निको हुन लामो समय लाग्न सक्छ । ‘उहाँलाई बचाउन सकिए पनि शरीरले कसरी काम गर्छ यकिनसाथ भन्न नसकिने डा. झाको भनाई छ ।
जोशीलाई बिहीबार राति शरीरको देब्रेपट्टिको भागमा समस्या देखिएपछि वीर अस्पतालमा भर्ना गरिएको थियो । शुक्रबार बिहान थप उपचारका लागि उनलाई वीरबाट नर्भिक सारिएको सहयोगी पुष्कर पाण्डेले जानकारी दिनुभयो ।
