फागुण १३ काठमाडौं । प्रधानमन्त्री बन्न नेपाली काँग्रेस सभापति शेर बहादुर देउवालाई नेकपा प्रचण्ड र माधव कुमार नेपालले दिएको प्रस्ताव एवं संभावित विकल्पका बारेमा नेपाली काँग्रेसले औपचारीक रुपमा छलफल शुरु गरेको छ ।
नेपाली कांग्रेसको पदाधिकारी र पूर्वपदाधिकारी बैठकसभापति देउवाको निवास बुढानिलकण्ठमा बसिरहेको छ । काँग्रेस भित्र नेताहरुले अहिले सरकारमा जान नहुने सुझाव राख्दै आएका छन् ।
बैठकमा विकसित राजनीतिक घटनाक्रम, संसद् पुनःस्थापनापछि कांग्रेसको रणनीतिको विषयमा पनि छलफल हुन कांग्रेसका मुख्य सचिव कृष्णप्रसाद पौडेलेल जानकारी दिए ।
नेकपा विभाजित भएको अवस्थामा अब नयाँ सरकार बनाउन काँग्रेस निर्णायक देखिएको छ । काँग्रेसको संसदमा ६१ सिट रहेको छ । नेकपाको प्रचण्ड माधव समुहमा ९० र ओली समुहमा ८४ जना रहेका छन् । तर अन्तिम समयमा दुबै पक्ष एक अर्का समुहतिर आउजाउ हुने संभावना रहेकाले यी घटबढ् हुने संभावना छ ।
स्पष्ट रुपले दुबै समुह मध्य कुनै पनि समुहलाई काँग्रेसले साथ दिदा उसको सरकार बन्ने संभावना छ ।
सर्वोच्चको आदेश अनुसार यसै महिना भित्र संसदको बैठक बस्ने छ । त्यस पछि नयाँ सरकार बन्ने या यही सरकारलाई समर्थनको कुरा टुगिंएपछि मात्र सत्ता समीकरणको प्रकृया टुंगो लाग्नेछ ।
