११ फागुन, काठमाडौं । सर्वोच्च अदालतले प्रतिनिधिसभा विघटनलाई बदर गर्दै संसद पुनर्स्थापना गर्न आदेश दिएपछि पचण्ड नेपाल समूहका अध्यक्षद्धय पुष्पकमल दाहाल र माधवकुमार नेपाल लगायतका नेताहरुले खुसी मनाएका छन् । चितवनमा रहेका प्रचण्ड र नेपाल लगायतका नेताहरुले खुसी मनाएका छन् ।
अध्यक्षद्वय प्रचण्ड र माधवले एकअर्कालाई मिठाई खुवाउनुका साथै अबिर माला गरेका छन् । त्यसक्रममा सहभागीहरुलाई सम्बोधन गर्दै प्रचण्डले नैतिकता छ भने तत्काल राजीनामा दिन प्रधानमन्त्री ओलीलाई आग्रह गरे ।
उनीहरुले संसद पुनर्स्थापनासँगै जनताको जित भएको बताएको छ ।अध्यक्षद्धय नेपाल र प्रचण्डले संवैधानिक इललासले ऐतिहासिक र साहसिक फैसला गरेको बताएका हुन् ।
प्रचण्डले प्रधानमन्त्री केपी शर्मा ओलीले तत्काल राजीनामा दिनुपर्ने बताए । उनले संविधानको रक्षाका लागि आन्दोलनमा उत्रिने सबैलाई धन्यवाद दिए ।
यस्तै अर्का अध्यक्ष नेपालले प्रधानन्यायाधीश, संवैधानिक बेञ्चका चारै न्यायाधीशले संविधान लिकमा ल्याएको बताए । उनले भने, ‘निरंकुशतालाई चोटिलो जवाफ दिनुभयो । साहसिक कदम चाल्नु भएकोमा हाम्रो पार्टी आभार व्यक्त गर्छ ।’
