ईटहरी फागुण ९ । नेपाली कांग्रेसका वरिष्ठ नेता रामचन्द्र पौडेलले प्रधानमन्त्री केपी ओलीको अधिनायकवादलाई आफ्नै पार्टी सभापति शेर बहादुर देउवाले साथ दिएको दाबी गरेका छन् ।
आज प्रेस युनियन सुनसरीले इटहरीमा आयोजना गरेको पत्रकार सम्मेलनमा बोल्दै पौडलले देउवाको साथ पाएका कारण ओलीले संविधान र लोकतन्त्र धरापमा पारेको दाबी गरे ।
देउवा ओलीको साथमा हिँडे पनि काँग्रेस संविधान बचाउन हिँड्ने दाबी गर्दै संसद विघटनको पक्षमा उभिन उनले आम कार्यकर्तालाई अपील गरे ।
देउवाले सोही कारण अदालतको फैसला कुरौँ भन्दै आन्दोलन पन्छाउन खोजेको दाबी गर्दै केही दिन अघि देउवाले काँग्रेससँग जुलुश निकाल्न पैसा नभएकोप्रति पनि कटाक्ष गरे । उनले आन्दोलन पैसाले नभई पार्टीको निर्णयले गर्ने भएको जिकिर गरे ।
यसै गरी प्रदेश सभामा अविस्वासको प्रस्तावका सन्दर्भमा समेत देउवा मौन बसेको भन्दै पौडेलले आपत्ति जनाएका छन् । उनले प्रधानमन्त्री ओलीले सार्वजनिक कार्यक्रमबाटै अदालतलाई धम्की दिईरहेको बताए ।
