फागुण ८ पाल्पा । नेकपा स्थायी समिति सदस्य घनश्याम भुषालले प्रधानमन्त्री केपी शर्मा ओलीलाई लंकाको रावणसगँ तुलना गरेका छन् । पाल्पामा अगुवा कार्यकर्ता भेला तथा प्रशिक्षणलाई संवोधन गर्दै भुषालले १० टाउके रावणले घमण्डले गर्दा लंका सिध्याएर आफै पनि सिद्धिएको उल्लेख गर्दै ओलीले पनि पार्टी र देशलाई ध्वस्त पारेर आफू सिद्धिने अवस्थामा पुगेको बताए ।
उनले सर्वोच्चले संसद पुनस्थापनाको पक्षमा फैसला नगरे देशमा रक्तपात मच्चिन सक्ने चेतावनी दिए ।
यदी संविधान विपरीत फैसला आयो भने पनि असार सम्ममा ओलीलाई सडकमा ल्याएरै छाड्ने भुषालले चेतावनी दिए ।
यसै गरी कार्यक्रममा अर्का नेता युवराज ज्ञवालीले पार्टीले वैचारिक हिशाबले नचल्दा नै ओली जस्ता तानाशाहको उदय भएको भन्दै अब बिचार र पद्धतिका आधारमा नचलाईए अर्को तानाशाह ओलीवाद जन्मने बताए ।
नेकपा नाम कम्युनिष्ट र काम सामन्तवादीको भएको भन्दै उनले ओली बाहिरिए पछि भने पार्टीले अब सच्चिने मौका पाएको बताए ।
