फागुण २ काठमाडौँ । बालुवाटारको ललिता निवास जग्गा प्रकरणमा पूर्व प्रधानमन्त्री माधव कुमार नेपाल र बाबुराम भट्टराईबारे थप प्रमाण बुझ्न सर्वोच्चले आदेश दिएको छ ।
उनीहरु बिरुद्ध परेको रिटमाथि आइतबार सुनुवाइ गर्दै न्यायाधीशहरु डा. आनन्दमोहन भट्टराई र हरि फुँयालको इजलासले उक्त आदेश गरेको हो । ललिता निवास काण्डमा पूर्वप्रधानमन्त्रीद्वय नेपाल र भट्टराईलाई किन मुद्दा नचलाएको भनी वरिष्ठ अधिवक्ता बालकृष्ण न्यौपानेले रिट निवेदन दायर गरेका थिए ।
सर्वोच्चको आदेश बमोजिम अब अख्तियारले थप प्रमाण पुग्ने कागजातहरु पठाउनु पर्नेछ ।
यस सम्बन्धि मूल मुद्दा भने विशेष अदालतमा विचाराधीन छ । वरिष्ठ अधिवक्ता न्यौपानेको रिटमा अख्तियार दुरुपयोग अनुसन्धान आयोगलाई समेत विपक्षी बनाइएको छ । नेपाल २०६६ मा र भट्टराई २०६९ मा प्रधानमन्त्री थिए ।
अख्तियारले पेश गर्ने प्रमाणका आधारमा भट्टराई र नेपाल बिरुद्ध मुद्धा चलाउने नचलाउने सर्वोच्चले थप फैसला गर्नेछ ।
अख्तियारको अभियोगपत्रमा सरकार प्रमुखले गरेका नीतिगत निर्णयमा आफूले मुद्दा चलाउन सक्ने अधिकार नभएको उल्लेख थियो ।
यस मुद्धामा कोही जेलमा रहेका छन् भने भने कतिपय धरौटीमा रिहा भईसकेका छन् ।
