माघ २९, काठमाडौँ । कांग्रेस नेता गगन थापाले नेपाल कम्युनिस्ट पार्टी प्रचण्ड–नेपाल समूहकी नेत्री रामकुमारी झाँक्री पक्राउको विरोध गरेका छन् ।
सामाजिक सञ्जाल ट्वीटरमामार्फत पूर्वमन्त्रीसमेत रहेका नेता थापाले सत्यको पक्षमा बोल्ने मुख सरकारले देखाएको त्रासले बन्द नहुने बताएका छन् ।
उनले लेखेका छन्, ‘कर्तव्य निर्वाह गर्न छोडेर, असंवैधानिक र अलोकतान्त्रिक कार्य गर्ने अनि त्यसमा प्रश्न गर्नेलाई झ्यालखानामा राखेर तर्साउन खोज्ने ? उहिले महाराजा अहिले राष्ट्रपति । सरकार झ्यालखानाको संख्या थप,किनकि सत्य को पक्षमा बोल्ने मुख तिमिले देखाएको त्रासले बन्द हुँदैन ।’
कर्तव्य निर्वाह गर्न छोडेर, असंवैधानिक र अलोकतान्त्रिक कार्य गर्ने अनि त्यसमा प्रश्न गर्नेलाई झ्यालखानामा राखेर तर्साउन खोज्ने ? उहिले महाराजा अहिले राष्ट्रपति!
सरकार झ्यालखानाको संख्या थप,किनकि सत्य को पक्षमा बोल्ने मुख तिमिले देखाएको त्रासले बन्द हुँदैन।— Gagan Thapa (@thapagk) February 11, 2021
झाँक्रीलाई राष्ट्रपतिविरुद्ध गालीगलौज र मानमर्दन हुने गरी अभिव्यक्ति दिएको भन्दै प्रहरीले बिहीबार उनको शंखमूलस्थित निवासबाटै पक्राउ गरेको छ । प्रहरीले झाँक्रीलाई राज्यविरुद्धको कसुरमा पक्राउ गरेको बताएको छ । झाँक्रीलाई पक्राउ गरेपछि नागरिक स्वतन्त्रता भएको भन्दै विभिन्न दलका नेता कार्यकर्ताले विरोध गरेका छन् ।
