२९ माघ, काठमाडौं । राष्ट्रपति विद्यादेवी भण्डारीबारे दिएको अभिव्यक्तिलाई लिएर प्रहरीले नेकपा प्रचण्ड–माधव समूहकी नेतृ रामकुमारी झाँक्रीलाई प्रहरीले सोधपुछका लागि बोलाएको छ ।
झाँक्रीलाई पक्राउ गर्न सरकारले प्रहरीलाई दबाब दिईरहेको सार्वजनिक भएको थियो ।
महानगरीय अपराध महाशाखाका प्रवक्ता कृष्ण प्रसाद कोईरालाले सोधपुछका लागि झाँक्रीलाई बोलाईएको बताए । तर झाँक्री प्रहरीमा आउन अस्वीकार गरेको बुझिएको छ ।
गोरखामा आयोजित एक कार्यक्रममा राष्ट्रपतिबारे गरेको टिप्पणीलाई लिएर नेकपा ओली समूहसम्बद्ध अनेम संघले रामकुमारीलाई कारबाही गर्न माग गरेको थियो ।
सो कार्यक्रममा झाँक्रीले राष्ट्रपति भन्दा पनि बडामहारानी भन्दै आक्रोस व्यक्त गरेकी थिईन् । उनले राष्ट्रपति भण्डारी ओलीको प्यादा भएको समेत बताउदै आएकी थिईन् ।
झाँक्री बयानका लागि नआए पक्राउ गर्न सक्ने आकंलन बढेको छ ।
