माघ २८ काठमाण्डौं । संसद विघटन बिरुद्ध आन्दोलित नेकपा प्रचण्ड माधव समुहले आजको बृहत शक्ति प्रदर्शनलाई समावेशी चरित्रको देखाउने प्रयास गरेको छ । यस अघि सडकमै मञ्च हुदा नेताहरुका लागि राखिने गरिएको सोफा यो पटक हटाईएको छ । मञ्चमा सबै नेतालाई एकै खालको कुर्सीको व्यवस्था गरिएको छ ।
त्यति मात्र हैन यस अघि तीन शीर्ष नेताले मात्रै संवोधन गर्दे आएकामा आज भने जुनियर नेताहरुले पनि संवोधनको अवसर पाउने भएका छन् ।
जस अनुसार आज कार्यक्रमको अध्यक्षता हित बहादुर तामागंले गर्नेछन् भने अञ्जना विशंखे, अमृता थापा, भानुभक्त जोशी, महफुज अन्सारी, रामकुमारी झॉक्री, रामचन्द्र झा, सन्तकुमार चौधरी, जनार्दन शर्मा, देव गरुङ, रघु पन्त, नारायणकाजी श्रेष्ठ, झलनाथ खनाल, माधवकुमार नेपाल र पुष्पकमल दाहाल ‘प्रचण्ड’ले संवोधन गर्नेछन् । यसै गरी यस अघिको कार्यक्रम सञ्चालन गरेकी पम्फा भुषालको स्थानमा सञ्चालकको रुपमा आज लिलामणि पोखरेललाई राखिएको छ । सो समुहले विभिन्न स्थानबाट निकालेको र्याली अहिले आउने क्रम जारी छ ।
