माघ २८ काठमाडौं । नेकपा प्रचण्ड माधव समुहले संसद विघटनको बिरुद्धमा आज राजधानीमा शक्ति प्रदर्शन गदैछ । आज मध्यान्ह १२ बजे विभिन्न स्थानबाट र्याली निकाले पछि बिरोध सभा शुरु हुनेछ ।
यस अघि भएका भन्दा आज ठूलो शक्ति प्रदर्शन हुने सो समुहका नेताहरुको दाबी छ ।
गत माघ २३ गते नेकपा ओली समुहले गरेको शक्ति प्रदर्शनको जवाफ दिने भनेपनि दाहाल–नेपाल समूहले त्यसअघि नैं आजको कार्यक्रम घोषणा गरेको थियो ।
आज पुल्चोक, त्रिपुरेश्वर, माइतीघर, केशरमहल र जमलबाट विभिन्न नेताहरूको नेतृत्वमा जुलुस निकालिने र त्यसमा विभिन्न नेता र सम्बन्धित प्रदेश र संघका सांसदहरुलाई अगुवाई गर्ने जिम्मेवारी दिईएको छ ।
यस शत्ति प्रदर्शन हाल सम्म गरिएका विरोध सभा र प्रदर्शन भन्दा शक्तिशाली बनाउने तयारी सो समुहले गरेको छ । यसका लाग बागमती प्रदेश बाहेक पनि प्रदेश १ बाट समेत कार्यकर्ताहरु राजधानी ल्याईएको छ भने गण्डकी प्रदेशबाट पनि कार्यकर्ताहरु ल्याईएको छ । यस्तै प्रदेश दुईबाट पनि थुप्रै गाडीहरुमा कार्यकर्ता ओसारीएको देखिएको छ ।
प्रचण्ड, नेपाल समूहले आज रत्नपार्क–भद्रकाली सडक खण्डको मूल सडक नै थुनेर सभा गर्ने छन् ।
आजको सभालाई अध्यक्ष प्रचण्ड, माधव कुमार नेपाल र झलनाथ खनालले संवोधन गर्ने तयारी भएको छ ।
