काठमाडौं माघ २७ । पुष ५ मा विघटित प्रतिनिधि सभाको पुनस्थापना माग गर्दै परेको रिटमा सर्वोच्चमा बहस चलिरहेका बेला सरकारले घोषित निर्वाचन सम्बन्धि थप निर्णय गरेको छ । हिजो साँझ बसेको मन्त्रीपरिषद् बैठकले बैशाख १७ गते ४० जिल्लामा र बैशाख २७ गते ३७ जिल्लामा निर्वाचन गर्ने निर्णय गरेको हो ।
उक्त निर्णय अनुसार वैशाख १७ गते प्रदेश २, गण्डकी, लुम्बिनी र सुदूरपश्चिमका ४० जिल्ला तथा वैशाख २७ गते कर्णाली, बागमती र प्रदेश १ का ३७ जिल्लामा चुनाव गर्ने निर्णय गरेको एक मन्त्रीले जानकारी दिए ।
सर्वोच्चमा बिचाराधीन मुद्धामा फैसला हुँदा यदी संसद पुनस्थापना गरिएमा निर्वाचन नहुने निश्चित छ ।
कतिपय विज्ञहरुले विद्यमान अवस्थामा बैशाखमा निर्वाचन संभव नरहेको भनिरहेका बेला सरकारले थप निर्णय गरेको हो ।
प्रतिनिधि सभा विघटन बिरुद्ध नेकपा पचण्ड माधव समुह, काँग्रेस र जसपा आन्दोलित बनेका छन् भने नागरिक आन्दोलन पनि चलिरहेको छ ।
सरकार भने तोकिएको समयमा निर्वाचन हुने भन्दै तयारीमा लागि परेको छ ।
