माघ २२ काठमाण्डौं । संवैधानिक निकायमा असंवौधानिक नियुक्ति भएको भन्दै आज आम हड्ताल घोषणा गरेको नेकपा प्रचण्ड माधव समुहकी स्थायी समिति सदस्य अष्ट लक्ष्मी शाक्यलाई प्रहरीले नियन्त्रणमा लिएको छ ।
बन्द सफल पार्न कलंकी आर्कमा जिम्मेवारी पाएकी शाक्य सहितलाई निंरकुश सरकारले गिराफ्तार गरेको भन्दै नेकपा केन्द्रीय सदस्य विष्णु रिजालले ट्वीट गरेका छन् ।
शाक्य ओली बिरुद्ध आक्रामक बयान दिने नेतामा पर्छिन् । बागमति प्रदेश सभा सदस्य रहेकी शाक्यलाई प्रचण्ड माधव समुहले सदनमा मुख्यमन्त्री डोरमणि पौडेल बिरुद्ध अविस्वासको प्रस्ताव दर्ता गरेसँगै उनलाई मुख्यमन्त्रीमा प्रस्ताव गरेको छ ।
शाक्यसगँै अन्य दर्जनौँ नेता कार्यकर्तालाई बिहानै प्रहरीले पक्राउ गरीसकेको छ ।
शाक्य अहिले सम्म पक्राउ पर्ने उच्च स्तरीय नेतृ हुन् ।
हड्तालको प्रभाव बिहानैदेखि परेको छ । हड्तालका क्रममा अज्ञात समुहले गोंगबुमा एउटा ट्याक्सीमा आगजानी गरेको छ ।
