माघ २१ काठमाण्डौं । प्रधानमन्त्री केपी शर्मा ओलीले माधव कुमार नेपाल पार्टी छाडेर पाटी(चौतारी)मा गएको टिप्प्णी गरेका छन् । आज आफ्नो समुह निकट भूमिहिन सुकुम्वासीहरुको भेलालाई संवोधन गर्दै प्रधानमन्त्री ओलीले माधव नेपाल हुन्जेल आफूलाई कामै गर्न नदिएको पनि बताए ।
ओलीले सुकुम्वासी समस्या समाधान गर्न आफूले लाग्दा माधव नेपालले नै अवरोध खडा गरेको जिकिर गरे ।
सुकुम्वासी समस्या समाधान गरौ भने छलफल गर्नु पर्छ भन्ने, यसो गरौँ भनो छलफल गर्नु पकर्छ भन्ने, खाली छलफल गर्नु पर्छ भन्ने र कामै गर्न नदिने गर्नु भयो, अहिले उहाँ पाटीमा पुगे पछि काम हुन थालेको छ ओलीले भने ।
उनले नेपालमा तीन जना मान्छे आफूले छलफलवाला देखेको भन्दै ती नेतालाई एक दुई तीन गरेर नामै किटानी गरे । एक माधव कुमार नेपाल, दुई नारायणकाजी श्रेष्ठ र तीन घनश्याम भुषाल ।
ती नेताहरुलाई कुरा फिट्नमै आनन्द लाग्छ, प्रधानमन्त्रीले भने ।
