माघ १८ काठमाण्डौं । विप्लव नेतृत्वको नेकपामाथिको प्रतिवन्ध हटाएर निर्वाचन अघि नै वार्तामा ल्याउने तयारीमा प्रधानमन्त्री ओली लागेका छन् । प्रतिवन्ध लगाएको दुई वर्ष पुरा हुन लागेका बेला यस्तो तयारी भएको स्रोतले बताएको छ । आगामी फागुण २८ गते प्रतिवन्धको दुई बर्ष पुरा हुनेछ । यस बीचमा वार्ताका लागि चौतर्फी दबाबका बीच सरकार र विद्रोहीबीच वार्ता हुन सकेको छैन ।
यस अवधिमा सरकारले ईन्काउन्टरका नाममा तीन विप्लवका नेता कार्यकर्ताको ज्यान लिएको छ भने केही सुरक्षाकर्मी पनि मारिएका छन् । विभिन्न आन्तरीक दुर्घटना र हत्या गरी दर्जन बढी व्यक्तिको ज्यान यस अवधिमा गईसकेको छ ।
केही समय अघि मात्रै सचिवालय सदस्य धर्मेन्द्र बास्तोलालाई प्रहरीले पक्राउ गरेको छ । आजको कान्तिपुर दैनिकले समाचार लेखेको छ । सरकारले विप्लवमाथिको प्रतिवन्ध फुकुवा गर्न सक्ने वताउछन् ।
