माघ १६ विराटनगर । नेकपा प्रचण्ड माधव समुहका अध्यक्ष प्रचण्डले केपी ओलीले जस्तो धर्म छोराछोरी पालेर भ्रष्टाचारको पक्षपोषण नगरेको दाबी गरेका छन् । सो समुहले विराटनगरमा आयोजना गरेको बिरोध कार्यक्रमलाई संवोधन गर्दै अध्यक्ष प्रचण्डले आफ्ना छोराछोरीले जनयुद्धमा लागेर लडेको र जनताबाट निर्वाचित भएको भन्दै आफू परिवारबादी भएको भनी ओलीले लगाउने गरेको आरोपको खण्डन गरे ।
उनले ‘७० करोड खानेहरूलाई उसले खाएकै होइन भन्दै जोगाउने को हो ? ७० करोड खाज खोज्ने को हुन् ? कसका मान्छे हुन् ? प्रचण्डले प्रश्न गरे । उनले अब ओलीको अत्याचार नसहने पनि बताए ।
दाहालले आवश्यक परे अब प्रतिनिधिसभाको बैठक बोलाउने बताए । सांसदहरुलाई प्रतिनिधि सभाको बैठक बोलाउने अधिकार भएको भन्दै प्रधानमन्त्रीले संविधानमा नभएको अधिकार प्रयोग गरेको टिप्पणी गरे ।
ओलीको खुट्टी आफूले नापेको भन्दै धेरै फुर्ती नलगाउन चेतावनी पनि दिए ।
