माघ १६ काठमाण्डौं । नेकपा ओली समुहले निर्वाचनका लागि दल दर्ताको प्रकृया अघि बढाउन आग्रह गरेको छ । आज आयोगले नेकपाको दुबै समुहलाई छलफलका लागि बोलाए पनि प्रचण्ड माधव समुह पत्र मात्रै बुझाएर फर्किएको थियो भने ओली समुहका नेताहरु आयोगसँग छलफलमा बसेका थिए ।
सो छलफलमा संसद विघटन सम्बन्धि मुद्धामा सर्वोच्चले अन्तरीमा आदेश नगरेकाले निर्वाचनको तयारी बढाउन र दल दर्ताको प्रकृया अगाडी बढाउन आयोगलाई सो समुहका नेताहरुले आग्रह गरेका हुन् ।
छलफलमा सो समुहका महासचिव विष्णु पौडेल, सुभाष नेम्वाङ लगायतका नेताहरु आयोग पुगेका थिए ।
निर्वाचन आयोगका पदाधीकारीले पनि सर्वोच्चले संसद विघटन सम्बन्धि मुद्धामा अन्यथा फैसला नगरेमा निर्वाचन समयमै सक्ने गरी लागेको जनाएका थिए ।
छलफल पछि सञ्चारकर्मीहरुसगँ कुरा गर्दै नेम्वाङले आयोगले नेकपाको आधिकारीकताको टुंगो लगाईसकेको समेत दाबी गरे ।
