काठमाडौं, १५ माघ । वैशाखमा तोकिएको मध्यावधि निर्वानका लागि निर्वाचन आयोगले आजदेखि देशभरका स्थानीय तहमा मतदाता नामावली अद्यावधिक गर्दैछ ।
आगामी वैशाख १७ र २७ गते दुई चरणमा मध्यावधि निर्वाचनका लागि आजबाट मतदाता नामावली अद्यावधिक कार्यक्रम सञ्चालन गर्न लागिएको आयोगले जनाएको छ ।
सर्वोच्च अदालतमा प्रतिनिधिसभा विघटनविरुद्वको मुद्वाको सुनुवाई जारी रहेकै बेलामा आयोगले ७ सय ५३ वटै स्थानीय तहहरुमा नामावली अद्यावधिक सुरु गर्ने भएको हो ।
आयोगले प्रतिनिधिसभा विघटन भएको दिन २०७७ पुस ५ गते आइतबारसम्म १८ वर्ष उमेर पुगेका व्यक्तिको मतदाता नामावली अद्यावधिक गरी अन्तिम मतदाता नामावली तयार गर्ने निर्णय गरेको छ ।
निर्वाचन कार्यक्रमअन्र्तगत पहिलो दिन मतदाता नामावली प्रकाशित गर्ने तथा माघ १६ देखि १८ सम्म उजुरी आह्वान गरिनेछ । यसैबीच, आगमी प्रतिनिधिसभा निर्वाचनका लागि अघिल्लो निर्वाचनमा भन्दा ९ लाख बढी मतदात थपिएका छन् ।
अघिल्लो निर्वाचनमा १ करोड ५४ लाख मतदाता रहेकोमा अहिलो १ करोड ६३ लाख पुगेको आयोगले जनाएको छ ।
संसद विघटनविरुद्ध परेका निवेदनउपर सर्वोच्चमा सुनुवाई भने जारी छ ।
