माघ १३ काठमाडौं । नेपाली कांग्रेसको केन्द्रिय कार्यसमितिको बैठक आज बस्दैछ । आजको बैठकमा प्रतिनिधिसभा विघटन विरुद्ध सडक आन्दोलन र विरोध कार्यक्रमलाई निरन्तरता दिन सभापति शेरबहादुर देउवामाथि दबाब बढाउने रणनीतिमा पौडेल समुह रहेको छ । देउवाले यस अघि आन्दोलनमा उत्रन आव्हान् गरे पनि उनी निर्वाचनको पक्षमा रहँदै आएका छन् ।
देउवालार्ई आन्दोलनमा जान पौडेल समुहले निरन्तर दबाब सृजना गर्दै आएको छ ।
वरिष्ठ नेता रामचन्द्र पौडेल समूहले प्रतिनिधिसभा विघटनविरुद्धको सडक संघर्षलाई निरन्तरता दिनुपर्ने निष्कर्ष निकालेको छ । हिजो पार्टी महामन्त्री शशांक कोइरालाको निवासमा बसेको समूहको बैठकले आज बस्ने केन्द्रीय समिति बैठकमा सडक संघर्षको निरन्तरलाई छलफलको एजेन्डा बनाउने निर्णय गरेको थियो ।
साथै पौडेल पक्षले आगामी १४ औं महाधिवेशनको सुनिश्चितता गर्न पनि दबाब दिने तयारी गरेको छ ।
