नेपाल बार एसोसिएसनका पूर्व पदाधीकारीहरुद्धारा प्रधानमन्त्री ओलीमाथि कार्बाही गर्न माग
११ माघ, काठमाडौं । प्रधानमन्त्री केपी शर्मा ओलीले वरिष्ठ अधिवक्ता कृष्णप्रसाद भण्डारीको मानमर्दन गरेको भन्दै भत्र्सना गरेका छन् ।
वरिष्ठ अधिवक्ता हरिहर दाहाल, शम्भु थापा, प्रेमबहादुर खड्का र शेरबहादुर केसीले आज सँयुक्त विज्ञप्ति वरिष्ठ अधिवक्तामाथि गरिएको अपमानप्रति सार्वजनिक रुपले प्रधानमन्त्रीले माफी माग्नु पर्ने र अदालतको अपहेलनाजन्य मुद्धामा जवाफदेही बनाउन माग गरेका छन् ।
९ गते प्रधानमन्त्री ओलीले बाजे वकिललाई लगेर सर्वोच्चमा तमासा गरेको भन्दै अपमान गरेका थिए ।
९५ वर्षे भण्डारीले नै ओलीलाई व्यक्ति हत्याको मुद्धाबाट जोगाउन पनि बहस गरेका थिए ।
विज्ञप्तिमा कानुन व्यवशायमाथिको निर्लज्ज प्रहार भएको निष्कर्ष निकालिएको जनाईएको छ ।
वरिष्ठ अधिवक्ता भण्डारीले बिपी कोईराला, रामराजा प्रसाद सिंह र स्वयं प्रधानमन्त्रीकै झापा हत्याकाण्डको मुद्धामा बहस गरेको जिकिर गर्दै विज्ञप्तिमा राजतन्त्रमा समेत यतिको निर्लज्ज प्रहार नभएको उल्लेख गरिएको छ ।
